Elkarrekin Donostiak emakumeen memoria historikoa berreskuratzeko urratsak emateko eskatzen dio Goiako Gobernuari

 Donostian, 2022ko martxoaren 10an

Elkarrekin Donostia udal taldeko Ezker Anitza-IUko zinegotzi Haizea Garayk adierazi du lehentasunezkoa dela historian zehar eta alor guztietan izan den emakumeen ikusezintasunarekin haustea, eta, ildo horretan, udal gobernuari interpelatuko dio frankismoaren biktima izan diren emakumeen memoria berreskuratzeko.

Ezkerreko alderdiko zinegotziak adierazi du Udalak errepresaliatutako emakumeen zerrenda zabala duela, udal honetako funtzionario guztien artean, 1936 eta 1940 bitartean araztu eta errepresaliatu zituztenak, eta, hala ere, “emakume horietako bakar bat ere ez dela aztertu, eta ez dela sartu tokiko epaitegietara joateko prestatzen ari den kereila planteatzeko zerrendan, ezta Maria Servinik irekitako auzia -kereila Argentina delakoa- zabaltzeko ere”. Are gehiago, “emakume horietako bakar batek ere ez du Donostian hura gogoratuko duen kalerik, eta haren sakrifizioak eta udal honetako langile izateagatik bakarrik jasan zuten eskubide-urraketak mereziko lukete”.

Garayk gogorarazi nahi du Gerra Zibilean eta ondorengo diktadura frankistan kolpistek ahalegin berezia egin zutela emakumeen aurkako jazarpenean eta eskubideen urraketan, emakumeek Errepublikan zehar lortutako askatasunak zigortzeko. Emakumeen aurkako irainak, torturak, bortxaketak, espetxeratzea eta hilketa Estatu osoan zehar gertatu ziren, “eta hiri honetan eta Donostiako emakumeek ez zuten egoera horretatik ihes egin; adibidez, Madrilgo ekialdeko hilerriko horman 13 arrosak fusilatu zituztenean, non gehienak adingabeak ziren emakumeak hil baitzituzten, horietako bat, Blanca Brisac, donostiarra zen”, argitzen du zinegotziak.

Ildo horretan, Garayk adierazi du borroka feministak eta eskubide eta askatasunetan aurrera egiteko konpromisoak “bultzatzen gaituela memoria justu bat eskatzera historian zehar urraketa desberdinak jasan dituzten emakume guztientzat”. Zinegotziak azpimarratu du gaur egun aurre egin behar diogun errealitateak historian zehar emakumeak ikusezin bihurtu dituen gizarte patriarkal baten errealitatea izaten jarraitzen duela, eta, horregatik, egun ere haren oroimena ez dute aintzat hartzen gizartearen gehiengoak, “baina baita erakunde publikoen inplikazio faltagatik ere. Hori dela eta, frankismoaren biktimen oroimen demokratikoa eta kolektiboa berreskuratzeko lanean, Donostiako emakumeak biktima gisa ez baztertzeko eta haien aurka egindako urraketak lehenbailehen ikertzeko eskatzen diogu Donostiako gobernuari”, Garayk dio.