Ezker Anitza-IUk Herrerako GI-20 errepideko ezpondetako luiziak konpontzeko berehalako jarduketa eskatu dio aldundiari

 Donostian, 2022ko irailaren 30an

Arantza González Ezker Anitza-IU Gipuzkoako koordinatzaileak interpelazio bat erregistratu du Elkarrekin Gipuzkoa batzarkide-taldearen bidez, Bide Azpiegituretako diputatuak azal dezan zer jarduketa egin diren Herrerako eremu horretan lur-jausiak saihesteko, eta, era berean, jakiteko GI-20 errepideko bi zuloak auzo horretatik igarotzean itxiko diren ala ez.

Arantza Gonzalezek, Ezker Anitza-IU Gipuzkoako koordinatzaile eta Elkarrekin Podemos-IU koalizioko batzarkideak, adierazi duenez, GI-20 saihesbideko tuneletako zulo baten ondoan bizi diren Herrerako bizilagunei lurra, arrokak, adarrak eta ezpondetako zuhaitzak erori zaizkie, abuztuaren erdialdean azken aldian.

Gonzalezen hitzetan, “luizi horiek arrisku egoerak sortzen ari dira inguruko biztanleentzat eta trafikoarentzat, tunel horietako ezpondei eusteko sistemaren egoera txarragatik”.

Egoeraren larritasuna dela eta, ezkerreko alderdiko batzarkideak Oiarbide Bide Azpiegituretako diputatuari eskatuko dio foru erakundea zer jarduketa egiten ari den jakiteko, luizi gehiago ez gertatzeko, luizi horiek pertsonentzat eta tunelaren azpitik igarotzen den trafikoarentzat duten arriskua dela eta. Eta GI-20 errepideko bi bao horien behin betiko itxieraren inguruan dauden aurreikuspenen berri izateko ere bai; “izan ere, inguru horretako bizilagunek hamarkadak daramatzate ibilgailuen trafikoaren etengabeko zaratagatik zigortuak izaten, eta horri buruzko neurriak hartzeko ordua da”, “gainera, trafikoaren zaratak ez du etenik gaueko ordutegian, salgaien garraiorako kamioien zirkulazioa jarraitua baita gauetan Pasaiako Porturantz. Horregatik, inguruan bizi diren pertsonen segurtasunerako eta osasunerako, luiziak eta trafikoak eragindako inpaktu akustikoa berehala konpontzea eskatzen diogu Aldundiari”, amaitu du Gonzalezek.